ابوعقيل والضابط الامريكي

فديوم واحد اسمه ابوعقيل راح يشتغل ويه الامريكان بشاحنته الخاصة فكاله الملازم الامريكي (جيم رول) ابوعكيل (طبعا مايعرف يقول ابوعقيل لان امريكي يحجي مكسر) حضر نفسك بعد شوية نطلع برتل عسكري نجيب مواد غذائية فراح ابو عقيل يحضر شاحنته العنجوكيه (يعني التعبانه) لحد ماطلعوا رتل وكان الرتل مكون من 4 شاحنات امريكية وخامسهم ابوعقيل وطيارة اباتشي جان صاعد بيها الضابط
و 5 سيارات همر وجان ابو عقيل يمشي بالاخير لان مثل ماكتلكم سيارته عنجوكية بقه يدوس بانزين وميلحك بجماعته لحد ماضاج الضابط الي جان بالاباتشي ونزل بمستوى شاحنت ابوعقيل وكاله ابوعكيل شدها شدها شدها الله يطيح حظك مو طيحت حظي تره سياقتك نعلت والدين الرتل موحته اجتني عقوبة من وراك من ساعت السوده الي شغلناك بيه لك حته كمت احجي عربي بطلاقة من وراك خطيه ابوعقيل انجرح قلبه



وبعدها ابوعقيل انفصل من شغله وهسه كاعد عطال بطال شباب ماكو تعيين بالمنتدى خطية تره ابوعقيل خوش رجال بس ماعنده حظ واذا شفتوه راح تنعجبون بشكله
بس بربي خايف لا اجيبه على المنتدى ونوبه يبنجر يكوم محد يكتب مواضيع وربي هذي قصة حقيقية لحد يكول جذب لان ما اريد ابوعقيل ينجرح مرة ثانية


اتمنى يعجبكم ولو الموضوع بايخ بس هذه الي الله كدرني عليه وداعت المرحوم ابوعقيل

مواضيع جميلة شكراااااااااااااااااااااااااااااااااا