منتديات شلة الفيافي

قصة حب على شكل دارميات تجنن

اذهب الى الأسفل

قصة حب على شكل دارميات تجنن

مُساهمة من طرف ملك شلة الفيافي في الخميس نوفمبر 18, 2010 1:30 pm



اقروا هذه الكلماااااااات وانطوني ردودكم



ااكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..


حني يبنت الناس مرة اعلة حالي***صدكيني آنة اهواج وانتي بخيالي


ردت عليه..وكالت..


لاحن ولا اهواك ماعرفك آنة***لاتحجي بعد وياي كافي ميانة


رجع المغرم وكال..


ما اكدر آنة اساج صرتي انتي روحي***وبلمسة ايدج هاي تذبل جروحي


جاوبتة البنية بهذا الرد..


امشي يخوية وروح والعن ابليسك***مو سلعة آنة وجاي ياخذني جيسك


جاوبهة المغرم..


مو سلعة انتي ادريج انتي حياتي***واتمنة يمج كون يحصل مماتي


كررت البنية كلمة خوية وجاوبت..


كافي يخوية وروح وابتعد عني***تلكة بنات هواي حتى احلة مني


كال المغرم..


من بين كل الناس كلبي يريدج***وسلمت هاي الروح ياحلوة بيدج


بدت تمل كلامة البنية وردت..


أيس يخوية وروح لاتاذي كلبك***ماريدك وماريد ياخذني حبك


رجع صاحبنة المغرم..وجاوب..


هيجي يبنت الناس صعبتي امري***دمرتي حلم الروح ضيعتي عمري


ضاجت البنية كلش وجاوبت بعصبية..


ماريدك وماريد كربك الية***آخر كلامي وياك حبتك حية!!!


رجع المغرم بعد الصدمة...وكال..


اقبل كلامج هاذ بس ما اعوفج***يومية اجيج هنا ويومية اشوفج...!!!!


رجع المغرم يمشي علة اعصابة(مو علة رجليه...ههههههه)


ورجع يتمنى قبولها........بس هالمرة منو بدا يحجي؟؟؟؟


هية بدت بالكلام...وكالت...!!!


ها خوية شو رديت شنهي القضية......مافاد حجيي وياك ذيج المسية


جاوبهة المغرم بلهفة...


رديت الج مشتاك صدكي يحلوة........عتني عليج الشوك مو بيدي كوة


طلعت البنية بعد كل هالهوسة تحب الصراحة!!! وكالت...


سولفلي قصتك كول حلوة الصراحة.....انتفع بيهة هواي واشعر براحة


سولفلها صاحبنة المغرم بصراحة تامة وكال.....


حجيي الصريح وياج آنة هويتج........واليوم اجي خطاب واتعنة بيتج...


من سمعت بيهة خطوبة البنية.....لانت شوية....وكالتلة كلمة...عيني!!!!


هلكد يعيني تفيض شوك ومحبة......طيب وعالاخلاق كلبك تربّة....


خطية مغرمنا.......بدة ينتظر الرد الصريح....وكال...


ها يبعد هالروح ما جاوبيتي.......كافي شلاع كلوب كولي رضيتي...


جاوبت البنية...


والله رضيت اهواك اسرني حبك.......واتمنى اعيش وياك واتمنى كربك


جاوب المغرم بعد كل هالعذاب....فرحان ومرتاح...وكال...


همي يحلوة انزال من هالمودّة.........غيم الحزن والآه بيدج تعدّة...


ضحكت هية وكالت......(شوفوا بدة الاستغلال...!!!!) و


يلة دشيل الماي خلينة نمشي......صرنة اهل واحباب وانتهى كلشي.,.,.,


تحياااااااااااااتي
avatar
ملك شلة الفيافي
Admin

المساهمات : 234
تاريخ التسجيل : 14/11/2010
العمر : 28
الموقع : http://slifaeafe.yoo7.com/index.htm

معاينة صفحة البيانات الشخصي للعضو http://slifaeafe.yoo7.com

الرجوع الى أعلى الصفحة اذهب الى الأسفل

مواضيع جميلة شكراااااااااااااااااااااااااااااااااا

مُساهمة من طرف سارة الانباري في الأربعاء ديسمبر 01, 2010 7:03 pm

مواضيع جميلة شكراااااااااااااااااااااااااااااااااا

سارة الانباري

المساهمات : 338
تاريخ التسجيل : 15/11/2010
العمر : 28

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى