منتديات شلة الفيافي

زهيريات ومواويل عراقيه

اذهب الى الأسفل

زهيريات ومواويل عراقيه

مُساهمة من طرف ملك شلة الفيافي في الخميس نوفمبر 18, 2010 11:04 am


زهيريات ومواويل عراقيه


ما يـوم انتـه اغـلطـت گلت الاحــبة أمــر
واجــرعــنه من فـرگـتك ســم الفراگ وأمر
ادلّــل علـينه يـمـن رغـباتـه صارن أمــر
يـلي ابرمــش عـين ولفــك ســاكن وحاجبـه
نـورك علي ليـش انتـه بكل بخــل حــاجـبه
لتصــدگ ابـيوم عـطـفـك انـه لي حـاجة به
لاچـن ضميري الـذي هـزني .. وبـذلك أمــر
.........................
ياعين دم ودمع بفراكهم صبي
وأترس بكاس الحزن حيل وبعدصب بي
بدواي محدعرف مسلم ولا صبي
واني طعين الكبد لاميت ولا حي
تانيت محد اجه منهم ولاحي
ان جان اني اصبحت لاهلي ولا حي
دنياي حيل اعكدي وفوك العكد صبي
............
يگولون عنه شــهم يحمي الذي جــار به
إختــبره بالضيــج مره .. وبالعســر جربه
إرخيـلــه مره الـحبل ... مره ابرفق جربه
آثار مـن الزعـل .. شـوف إعـله وجهه بدن
خــايـف يـجـي يـوم يرمي علـيحــبـه بدان
(لا تربط الجربه گرب وحده صحيحة بدن)
خوف الصحيحه ذيـچ تصبح مثـلهه جـربه
..................


ما ارد حبيبي الك صدكني هذا وعد
و لا تكلي شنهو السبب احسب اجروحي وعد
و لا تعتذرلي بعد و لا تكلي ارجع و عد
ولا تخابرني ابد و معزتك ما ارد
جرحتني لمن جنت بايدك جني مارد
كلبي يدك بحبك و انت الي بي مارد
ما ارد حبيبي الك صدكني هذا وعد
.....................



بجروحي يلعب لعب وبس هالجرح خلة
وياوكت بس يلچم راد الگلب خله
ومن كثر ضيم الهوة صاب العقل خله
ما اعتب على الهوى وياك چي ما طاب
انا اعتب على الجدم حيف على بيتك طاب
داويت جرحك بيدي واتعبني لمن طاب
ومن صار بيه الجرح حفنة ملح خله
........................


اياك تشمر حجر گلب المحب ترجمة
خلص سنينه بقهر وبياذنب ترجمة
كثير عندي قصص بالحب يخي ترجمة
خاف احجي بيهن انة ويضيگ بية النفس
طبع المحب من يحب يبذل بغالي النفس
مو ذنبي ذنب الوكت ادرس بعلم النفس
والاشد منه وامر حبيت بالترجمة
..........................


يمنع عليه النهر وانه الدمع ماي اله
طبعه اناني ويجر الي اله ومايله
لاخير منه يصح والشر اله مايله
كلبي عل اسمه يرف وهو الهجر عادله
رقم القياسي كسر موبس تره عادله
كالولي لو عاد الك كلت ابد ماعاداله
العدله عدلة تضل والمايله مايله



منقوووووووووووووووول
avatar
ملك شلة الفيافي
Admin

المساهمات : 234
تاريخ التسجيل : 14/11/2010
العمر : 28
الموقع : http://slifaeafe.yoo7.com/index.htm

معاينة صفحة البيانات الشخصي للعضو http://slifaeafe.yoo7.com

الرجوع الى أعلى الصفحة اذهب الى الأسفل

احلا شعر ل

مُساهمة من طرف بنوتة زماني في الأحد نوفمبر 28, 2010 3:22 pm

انا اشكرا اخي ملك على هذة الاشعار الجميلة

تحياتي بنوتة

بنوتة زماني

المساهمات : 161
تاريخ التسجيل : 17/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى