راح ترجع ياوطن .. اهداء الى وطني الجريح

السلام عليكم ورحمة الله وبركاته

قصيدة اهداء الى وطني الجريح والى شهدائنا الخالدين في القلب والحياة
والى كل صوت يريد ان ينطق ولا يعرف ماذا يقول انا ساقول بدلاً عنه
والى كل ام واب واخ واخت
والى كل عراقي فاض بهِ الكيل وتعب اقول:


تعبنه وراح من عدنا الصبر
وماتت البسمه على شفاه الصغار

أمنا بغداد الي مبدأها النصر
صفت بس دموع وآلام ودمار

البسمه صارت تنشرى بأغلى سعر
والبشر تنباع بأسعار الحجار

ليش مبيوعين والبايع خسر
باع اخته ولعب بالغيره قُمار

كبر لف دنيا رخيصه بلا بشر
كل شي صار اسمه "دولار"

والحكم بالعبة ماقصر صفر
وامتنع جمهوره ماحب القرار

وأنكلبت الساحه علينه بكل شبر
والدولة ظلت نايمه فوك الخضار

هو هذا الوعد من كلتوا صبر؟
وزرعتوا فوك عقولنا غيره وشعار

عاود التأريخ وأستنسخ شمر
وجمع ويه الشمر آلاف التتار

ودموع اطفال الوطن ماتنحصر
كلنه هلبت تنتهي وترجع نهار

بس الله عالم .والعلم عند الله سر
راح ترجع ياوطن رغم الي صار

شكرااااااااااا موضوع جميل