منتديات شلة الفيافي

فك باب القميص

استعرض الموضوع السابق استعرض الموضوع التالي اذهب الى الأسفل

فك باب القميص

مُساهمة من طرف خيال الصحراء في الثلاثاء نوفمبر 16, 2010 7:07 pm



فك باب القميص سنين أدك عالثوب

صرت حايط كثر ما واكف اعله الباب

وره بابك ثلج بس يجوي يعني النار

بس سمي جهنم خل اكلك طاب

شبت كتلك كلتلي الزمن هسه شلون

كل زرع الحدايق من جمالك شاب

والسياب مات وباقي بس تمثال

واذا للبصره توصل يعدل السياب

ومادك الكلب دكت كلب معقول

فلش صدري جالك وي غيابك غاب

وطبعن شعري يزحف من اسولف بيك

وراك البيت يزحف من تمر عالباب

وحينه انعرفه احنه وكل نهر مابي

وحبي الباب بيتك نهر جاب الماي

وتاريخ النهر بس بتجاه يروح

بس ميهه النهر كاضيهه رايح جاي

فتحه زغيره حلكك وناي سبع حلوك

بس كل كلمه منك خلفتلك ناي

الجبال البتماسك مضرب الامثال

تركص جوبي الك لمن تمر يكحيل

النيازك ندري تنزل ترجم الشيطان

والك نزلن وصارن عالصدر زنجيل

ومادارت بعد صفنت عليك الكاع

وانت تكفلت ليل ونهار تشيل

تصد وجهك علينه يصير عدنه انهار

تصد تطينه شعرك صار عدنه الليل

ومن طخيت اديه مادريت شصار

وكع للكاع جفي وكضته ارداني

شايل جم سحر بعيوني لو صديت

مو بس كصتي تعرك يعرك لساني

ولو وزنك طفح وزنه اعله هاي الكاع

بس حبي اني كون وشلته بحظاني

انه بجبدي ارض زارعهه بس كلوب

شما تشلع كلب يطلعلك الثاني [/center][/b][/color

خيال الصحراء

المساهمات : 272
تاريخ التسجيل : 15/11/2010
العمر : 28

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شكرااااااااااا موضوع جميل

مُساهمة من طرف سارة الانباري في الأربعاء ديسمبر 01, 2010 9:24 pm

شكرااااااااااا موضوع جميل

سارة الانباري

المساهمات : 338
تاريخ التسجيل : 15/11/2010
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى