مــعــذور ألـيـحــبــك

كلبي أعله العشك ما رهم بي مفتاح
مفتاحك عليه أشلوووووون رهمته


معذور اليحبك لو كفر يهواك
ولو حبك نبي هم جان كفرته


بلبل عالغصن كلبي وشمرته احجار
ومكسور الجنح للكاع طيحته


خليته بقفص وتعرفه ياكل تين
جاع وخبز يابس كمت وكلته


وتعلم عليك وكام من أيطير
يرجع للقفص ملهوف علمته


ومن عاشرت ذيب وكالك جوعان
وجبة البلبل المسكين قدمته


ورحت أتصيد ثاني بكل وقاحة عين
الأول بالقفص منصوبة فاتحته


يا حلم الطفولة الصرخ بذنه الشوك
عاف أهل الوفه وصدكك من صحته


انته أول ضمير بنص مزاد أنباع
وأول حلك ياكل لحم خاااصرته

مني أحلى التحايا لجميع أحبابي بالمنتدى

شكرااااااااااا موضوع جميل