منتديات شلة الفيافي


انضم إلى المنتدى ، فالأمر سريع وسهل

منتديات شلة الفيافي
منتديات شلة الفيافي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شفت اسمك هز دكَات منسيه

2 مشترك

اذهب الى الأسفل

 شفت اسمك هز دكَات منسيه  Empty شفت اسمك هز دكَات منسيه

مُساهمة من طرف خيال الصحراء الثلاثاء نوفمبر 16, 2010 6:53 pm



شفت اسمك هز دكَات منسيه



شكَولن بيك يا وردة عمر محزون
حنه وشذر بكفوفك ترد الروح
عسل حبر القلم بيدك يواسيني
وأشوف العبره ملجومه تجي وتروح
أشوف الماي عطره معطّر بأنغام
وأشوف الليل بسماتَه تزيّْدْ جروح
حلم حلمان أحلم من يناديني
شكَد لجمات شفت من الألم بالروح
شفت أهلي بكَمرهم زاهي بالدنيا
وشفت كَلبي على الذكرى بأرض مطروح
العمر ولّى وحبيبي باع أحلامي
وداس على الوفا وما فاد بيه النوح

شفت اسمك هز دكَات منسيه
شفت حرفك كَمر حدد مراسيَّه
شفت الوفا بحروفك عطر ريحان بالميّه
خفت من دمعي يفضحني ويطل بيّه
أخاف من القدر والليل والحيّه
واشوف الورد نعسان والخدين ورديّه
تلازمني وأخاطبها بعذر لو تعذر شويَّه
هناك تذكّرت اسمك وكل الشوكَـ والجيَّه
وكل حبي تركتَه هناك وأشوف اسمك يمر بيَّه

شفت اسمك هز دكَات منسيه
لمّْ الكون أفراحي وغدر مرات
يناغي الليل لا تحزن الفرح ما مات
بعيده الديره عن عمري بلا وسْفات
كتبت الشط بدموعي بألم حسرات
أريد الذكرى تنساني وليلي فات
ومن إسمك ينوّْر تشعل الشمعات
وعلى شطوط العرب شط العرب ما مات

شفت اسمك هز دكَات منسيه
سئلت الشط عن سفان فاركَنا
عرفتَهْ ازماان وجم مره تعاتبنا
يمشي على الزرد والصبح نسمتنا
تنادينا بعشكَـ والفرحه لمتنا
بعيد الدار عنك يا هي زفتنا
يا هوسه محب من غنت حبايبنا
كَلّبي هناك عدكم ما غدا عدنا

شفت اسمك هز دكَات منسيه
من أشوفك يطل الفرح بالأيام
ومن صدّك شكيت الشط والبلام
وكَلت أحلام ما اظن بالحلم أحلام
بدر وأشركَـ وبعيونه السحر بسّام
نعم أنته رمش عيني وسلم إسلام
نعم أنته العمر كله وشدة ورد والأنغام
أشوف الدنيا مقلوبه وكَلبي هام
بس أسأل عن أحبابك لا تنلام

شفت اسمك هز دكَات منسيه
اسأَلْتْ كلْ اليمر بين النخل وأسأل
وأكَولن وين محبوبي زعل ؟ والزعل بيه أنسل
كَلت له الشوكَـ عذبني اكَعد قربي عني لا ترحل
خلْني وايّاك نتلاقى حبيب ورحله ما تنمل
يضم راسه بوسط صدري وعندي ظل
وأحسب دنيتي حلوه جذب صارت حجي من مل
سكت وسط الصدر كَلبي وحاله حال
يعاتبني على فراقه جبل والجبل ما ينصل

شفت اسمك هز دكَات منسيه

خيال الصحراء

المساهمات : 272
تاريخ التسجيل : 15/11/2010
العمر : 35

الرجوع الى أعلى الصفحة اذهب الى الأسفل

 شفت اسمك هز دكَات منسيه  Empty شكرااااااااااا موضوع جميل

مُساهمة من طرف سارة الانباري الأربعاء ديسمبر 01, 2010 9:32 pm

شكرااااااااااا موضوع جميل

سارة الانباري

المساهمات : 338
تاريخ التسجيل : 15/11/2010
العمر : 34

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى